Біріктірілген сабақ

29 қаңтарда мектепалды даярлық сыныбында «Сөздер. Сөздерді дыбыстық талдау. Сөздерді буындарға бөлу» тақырыбында біріктірілген сабақ өткізілді.
Мақсаты: 
Ойын түрінде балаларды сөзге дыбыстық талдау жасауға үйрету. Сөздерді буындарға бөлуге, буындардың санын және сөздегі екпін орнын анықтауға үйрету.
Міндеттері:
Оқыту міндеті: 
Ойын түрінде балаларды сөзге дыбыстық талдау жасауға, дауысты және дауыссыз дыбыстарды, жуан, жіңішке, қатаң және ұяң дыбыстарды ажыратуға үйрету. Сөздерді буындарға бөлу, буындардың санын және сөздегі екпін орнын анықтау қабілетін бекіту. 

Тәрбиеленушілерге мектепалды тәрбиешісі Нурбаева Л.С. оқу-тәрбие сабағын өткізді, шағын орталықтың тәрбиешісі Альбрехт Т.А. сергіту сәті мен сандарды математикалық орналастыру жаттығуын, шағын орталықтың тәрбиешісі Кудайбергенова С.К. "Знайка" ертегі кейіпкерін таныстырып, сөйлеу жаттығуларын өткізді.
 
Біріктірілген сабақтардың келесі артықшылықтары бар: 
 1) ынтаны арттырады, танымдық қызығушылықты қалыптастырады;
 2) әлемнің тұтас ғылыми бейнесін қалыптастыруға, объектіні, құбылысты бірнеше жағынан: теориялық, практикалық, қолданбалы жағынан қарауға ықпал етеді;
3) ауызша және жазбаша қызметтің дамуына ықпал етеді;
4) білімді жүйелеуге мүмкіндік береді;
5) оқушылар мен тәрбиеленушілердің әдеттегі сабақтарына, эстетикалық қабылдауына, қиялына, зейініне, есте сақтауына, ойлауына қарағанда көбірек дәрежеде дамуына ықпал етеді;
6) мұғалімнің кәсіби шеберлігінің артуына, өсуіне ықпал етеді, өйткені одан оқу-тәрбие процесінің жаңа технологиялары әдістемесін меңгеруді талап етеді.